GEGURITAN I

Nyedhot Tumetese Tatu

Anggitanipun: Madagumilang

Pangumbaranku kandheg sajeroning suwung
Kepidak rupeg ambegan sumpeg
Keslempit kecepit unjalku mampet

Ngadoh saka gelagepanku
Nyedhot tumetese tatu

Kangen iki
kangenmu?

Wis wuta marang sadhengah  enggok
Kenceng gondhelan abot mbopong kekisruh
Ing sapecak nglangut nggayuh kempute prapatan ati
Dalane kepengin pinter enggal lumayu
Tolah-toleh ora tinemu

Eling-eling iki watese pangertenku
Dak ranggeh pucuk mentelung ing pengarep-arep
Dlumukan nggrayahi pepeteng

Apa aku kudu owah dadi srengenge dhisik
Yen kepengin bisa nothok lawangmu?

Nalika kabeh kekuncen rapet
Mung kari mereme mripat
Ketemuku
Tumeka ing anglere turu

Kangen iki
kangenmu?

Ponorogo, 10 Februari 2009

8 Tanggapan

  1. diterusne lehmu nggegurit yo le, ojo pisan-pisan mandheg
    kenalan yo!

  2. rasa kapang kekejer sendu
    nang kene amung sliramu
    ora ana aku

  3. mas ini bahasa jawa bukan sih..
    kaya bahasa jawa, tapi aku kok gak ngerti yoh?

    mohon pencerahan..

  4. Matur suwun Geguritanipun, nggih Mas

  5. ko’ yo ketok intelek

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: