GEGURITAN V, Anggitanipun Madagumilang

Ponorogo-Lu

Anggitanipun: Madagumilang


Dak goleki, Ponorogo sajerone kopyah
Ireng kaya kenthel wedang kopi ngesoki cangkir-cangkir angkringan
Dirubung sing lagi lesehan ngebaki trotoar lan emper-emper toko
Karo sok-sok mbengok bareng nalika nemu mbulan kesendhok letheke wedang
Disruput bareng cemlorote lintang alihan kang meruhi tumindak bener
Dirembug ing sarasehan cekak memungsuhan klawan rasa bosen
Marang pakaryan sedina ceput nganti kaya-kaya ora kepincut sadengah leren

Iki wis ketemu, tibane Ponorogo mili sajerone getih ngentirake gerenge macan
Ing otot-otot kang nyengkerem jantunge bumi reyog
Ora kudu nglari sing ngilang wingi
Iki bleduge isih nemplek rambut, saka obongan gamping Sampung
Lan kumebul kena gosonge nila bakar telaga Ngebel
Mbisiki swara alim ing Gontor ngajak milih sate sing sujene reroncen dedonga
Menyang alun-alun mbarengi pirang-pirang truk isi uwong
Mung golek sesawangan lan nggegadhang nasib becik dina sesuk

Ponorogo, 19 Februari 2009

6 Tanggapan

  1. nalikane lingsir wus sumilir
    langit tansah sumampir
    ambyar tan ngetokake wayah tanpo mikir
    mertandakake yen manungso kudu ngakehake anggone dzikir…

  2. Ya Gusti, aku durung ketemu…

  3. Ponorogo adalah pono dan rogo, Pono mengerti rogo adalah badan.
    Mengerti tentang badannya sendiri, tahu diri, begitu penjelasan ayah saya, dan saya sempat mengira Ponorogo artinya tanPO oNO roGo alias moksa, tapi ternyata salah.

    Sebuah guritan yang komplex menggambarkan kehidupan sehari-hari, tempat-tempat di Ponorogo dan hasil buminya, demikian juga kegiatan sebagian orang dari kota ini, dan ada gugahan spirit di dalamnya.

    • terimakasih matur suwun
      ora pisan ora pindho
      apa aku bisa mbales engko?
      marang Sanakku sing grapyak
      Mas Apria sing olehe “peduli” ora jamak

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: