NJOWO

Njowo

Anggitanipun: Madagumilang

Kenthirku kentir kenyut kitir kang kowaca kanthi gumilir. Hanacarakane ya hanacaraka, dudu alifbata, dudu abesede, dudu. Yagene nembe wayah ngene wis ora kersa nggape?

kala kula kelas kalih kula kilak kalo kalih kuli-kuli kula kalo kula keli kali kilen kula kalo kelip-kelip kula kelop-kelop

Yagene? Apalane suwung, pikirane gemblung, panggraitane sepa sepi sepah samun. Kuwanene gogrog gigrig mungkret mengkeret. Wis ra nJowo maneh Gatotkaca saliyane Superhero, wis ra nJowo maneh Wisanggeni saliyane Naruto. Iki lo dhadhaku wis ora kanggo. Iki lo bandhaku sing mesthi menang.

Ponorogo, 1 Maret 2009

14 Tanggapan

  1. Kami dilahirkan dari kebohongan
    Kami dihidupi oleh kebohongan
    Jangan pernah kau ambil dari kami
    Karena hanya itu …
    Sisa-sisa hajat untuk kami makan

    • tak leloledhung
      atiku isih kejeron kedhung
      dirogoh emoh
      dipancing gemang
      nanging iki sejatine Jawi

  2. halah, bel geduel beh, hoek byor
    ojo mung neng lambe apa geguritan thok lo le!
    dadi wong Jowo ki gak mung iso cara Jowo
    sik akeh tunggale!
    golekana dhewe yo?
    aku rasah marahi

    • biyuh, biyuh, jan ra dlomok
      aku trus matur piye?
      puh, isaku ki ya sik ngene
      ya, sithik-sithik to
      ngko rak tekan nggone
      dadine ra ninggal wewaton alon-alon pokok kelakon
      nggih puh!

  3. nderek langkung mas

    • sumangga dalem namung adhapur “pendherek”
      pramila panjenengan ingkang tuhu sakalangkung
      nuwun, nuwun, kawula nuwun

  4. kocap kacarito era globalisasi dadi goro-goro
    nem-neman lali karo budhoyo :
    Anoman wis kalah karo spiderman, Arjuno wis temekan pati dening Naruto
    akhire cah cilik kurang ajar karo wong tuwo
    suwe-suwe menungsa padha nglakoni tindak asusilo

    kaya-kaya wis dho ra wedi karo panase api neroko.
    Aduh biyung, aduh embok, aduh bopo…
    wong Jowo 20 tahun maneh arep kaya ngapa…

    • mula aja mung bingung, mung keduwung
      iki jaman kudu digemati
      olehe padha memetri lan nguri-uri Jawi

  5. aku Jowo tapi ra ngerti blas
    ora Njowo?
    suwun

  6. tulisane wong cilik
    nganggo areng kang ireng
    wusanane dadi pituduh kang becik
    sadengah wong podo dunung

  7. Jawa ujonen hawa
    nganti tekan swargaloka
    dudu hawa sing kesawaban sawan
    dudu hawa sing ana indra
    jangkap kerekep jawa dudu jawan
    jawan aran suket jaman asu ora enak
    jawan wes nungsepke jawa
    jawa ujanen hawa kanthi budi
    ananging ing jaman edan apa iya jawa isa keduman?

    • keduman ora keduman
      aku wis oleh sesanggeman
      kanthi geguritan kang oleh panyaruwe
      saka sanak kang ngerti ing bebuden Jawi
      suwun

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: